Foydalanish shartlari

Oxirgi yangilanish: 11.10.2026. Ushbu hujjat O'zbekiston Respublikasi Fuqarolik Kodeksining 367, 369-moddalari (ommaviy oferta) asosida tuzilgan va Foydalanuvchi bilan Platforma o'rtasidagi yuridik kuchga ega shartnoma hisoblanadi.

1. Atamalar va tomonlar

• Platforma / Ma'muriyat / Sotuvchi: Adolfjon.uz saytini va unga bog'liq barcha xizmatlarni (sayt, bot, dastur, do'kon) boshqaruvchi tomon — o'zini o'zi band qilgan shaxs. Rekvizitlar: Ommaviy oferta va Aloqa bo'limlarida.
• Foydalanuvchi: Platformada ro'yxatdan o'tgan yoki undan foydalanayotgan har qanday jismoniy shaxs.
• Mahsulot: Platforma orqali taqdim etiladigan dasturiy ta'minot, litsenziya, token yoki har qanday raqamli xizmat.
• Token: Mahsulotga kirish huquqini ochuvchi bir martalik, shaxsiy raqamli kalit.
• Hisob: Foydalanuvchining shaxsiy kabineti va unga bog'langan barcha ma'lumotlar.
• Reseller (qayta sotuvchi): Ma'muriyat tomonidan alohida ruxsat berilgan, tokenlarni ulgurji sotib olib o'z mijozlariga sotuvchi Foydalanuvchi.
• Aksept: Ro'yxatdan o'tish, to'lov, tokenni faollashtirish yoki dasturni ishga tushirish — shartlarni qabul qilish hisoblanadi.

2. Aksept

• 2.1. Siz ushbu shartnomani tuzish huquqiga ega ekanligingizni tasdiqlaysiz.
• 2.2. Akseptdan so'ng shartnoma yuridik kuchga kiradi va tomonlar uchun majburiy bo'ladi.

3. Hisob va litsenziya

• 3.1. Har bir Foydalanuvchiga faqat bitta hisob ruxsat etiladi. Bir nechta hisob ochish hisobni bloklashga olib keladi. Bir vaqtning o'zida faqat bitta faol sessiyaga ruxsat beriladi; ikki yoki undan ortiq qurilmada bir vaqtda kirish bloklashga olib keladi. Turli qurilmalardan ketma-ket foydalanish (biridan to'liq chiqib, boshqasiga kirish) ruxsat etiladi va bitta sessiya talabiga zid emas.
• 3.2. Hisobni, login yoki parolni uchinchi shaxslarga berish, sotish, ijaraga berish yoki almashish mutlaqo taqiqlanadi. Aniqlansa, litsenziya ogohlantirishsiz va pul qaytarilmasdan bekor qilinadi.
• 3.3. Login va parol maxfiyligi faqat sizning mas'uliyatingizdadir. Hisobingizdan ruxsatsiz foydalanilsa — Ma'muriyat javobgar emas.
• 3.4. Platforma sizga cheklangan, noshahsiy (non-exclusive), boshqaga o'tkazib bo'lmaydigan va istalgan vaqtda bekor qilinishi mumkin bo'lgan foydalanish huquqini beradi. Mahsulotga egalik huquqi Foydalanuvchiga o'tmaydi.
• 3.5. Ro'yxatdan o'tishda haqiqiy ma'lumot kiritish shart. Soxta yoki boshqa shaxsga tegishli ma'lumot — bloklash sababi.

4. Token qoidalari

• 4.1. Token — bir martalik va faqat sizga tegishli. Uni boshqalarga berish, sotish yoki ommaga oshkor qilish hisobni bloklashga olib keladi.
• 4.2. Tokenni faollashtirish — Foydalanuvchi mas'uliyatida. Noto'g'ri yoki ehtiyotsizlik bilan faollashtirilgan token uchun Ma'muriyat javob bermaydi.
• 4.3. Tokenni topish/tanlash (brute-force), boshqalarning tokenini sinab ko'rish — jiddiy qoidabuzarlik bo'lib, darhol va abadiy bloklashga sabab bo'ladi.

5. Taqiqlangan harakatlar

• 5.1. Mahsulotni qayta ishlash (reverse engineering), buzish (crack), nusxalash, tarqatish yoki sotish — O'zR mualliflik huquqi qonunchiligini buzish hisoblanadi.
• 5.2. Dasturni onlayn efirda (stream), YouTube, TikTok va boshqa platformalarda yozma ruxsatsiz ko'rsatish taqiqlanadi.
• 5.3. Dasturdan foydalanib uchinchi shaxslarga pullik xizmat (boost, carry, account leveling) ko'rsatish — yozma ruxsatsiz taqiqlanadi.
• 5.4. Ma'muriyat, Platforma yoki boshqa foydalanuvchilar haqida yolg'on ma'lumot tarqatish, haqorat, tahdid qilish qat'iyan man etiladi.
• 5.5. Platformaga qarshi harakatlar taqiqlanadi: saytni yoki API'ni avtomatik so'rovlar bilan yuklash, scraping, ruxsatsiz xavfsizlik testi, zaifliklardan foydalanish, soxta chek yuklash, balansni soxtalashtirish, bonus/XP/referal tizimini aldash, bir nechta hisob orqali aksiyalardan suiiste'mol qilish.
• 5.6. Dasturdan foydalanib o'yin serverlariga DDoS hujumi, zarar yetkazish yoki noqonuniy harakat — to'liq Foydalanuvchi javobgarligi.

6. To'lov va pulni qaytarish

• 6.1. Pul qaytariladigan holatlar:
  • to'langan mahsulot yetkazilmagan bo'lsa;
  • mahsulot sahifasidagi tavsifga mos kelmasa;
  • dastur yuklab olingan, lekin qurilmangizda ishlamagan va Texnik yordam muammoni hal qila olmagan bo'lsa (token faollashtirilgan bo'lsa ham);
  • xizmat platforma tomonidagi texnik nosozlik sababli ko'rsatilmagan bo'lsa (§8.4).
• 6.2. Pul qaytarilmaydigan holatlar:
  • token faollashtirilgan va dastur ishlagan bo'lsa — fikr o'zgargani, noto'g'ri tarif tanlangani yoki mahsulot endi kerak emasligi sababli;
  • o'yin hisobingizga o'yin tomonidan cheklov (VAC, Game Ban va h.k.) qo'llanilgan bo'lsa;
  • dastur o'yin yangilanishi sababli vaqtincha ishlamayotgan bo'lsa (odatda 1–48 soat) — bunday hollarda Ma'muriyat obuna muddatini uzaytirishi mumkin;
  • hisobingiz qoidabuzarlik sababli bloklangan bo'lsa yoki tokenni boshqalarga bergan bo'lsangiz;
  • mablag' bonus, promo, XP yoki kompensatsiya sifatida berilgan bo'lsa.
• 6.3. Qaytarish usuli va muddati: tasdiqlangan summa 3 kun ichida platforma balansiga qaytariladi. Mahsulot tavsifga mos kelmagan bo'lsa, balans o'rniga pulni to'lov qilingan usulga qaytarishni so'rashingiz mumkin (§15.4 muddatida).
• 6.4. Murojaat tartibi: muammo haqida mahsulot yetkazilgan yoki token faollashtirilgan kundan boshlab 14 kun ichida tikket orqali xabar bering: buyurtma raqami, muammo tavsifi va iloji bo'lsa skrinshot. Texnik yordam muammoni hal qilishga harakat qiladi; hal bo'lmasa — 6.1-band bo'yicha pul qaytariladi.
• 6.5. Bank orqali e'tiroz (chargeback): to'lov bo'yicha muammo bo'lsa, avval bizga murojaat qiling — odatda bu tezroq hal bo'ladi. Bank yoki to'lov tizimi orqali e'tiroz bildirish huquqingiz saqlanadi; bunday holatda biz bankka buyurtma va yetkazib berish ma'lumotlarini taqdim etamiz. Mahsulot olingan holda qilingan va firibgarlik deb tasdiqlangan e'tirozlar hisobni bloklashga olib kelishi mumkin.

7. Reseller (qayta sotuvchilar) shartlari

• 7.1. Reseller maqomi faqat Ma'muriyat tomonidan, alohida tekshiruvdan so'ng beriladi va istalgan vaqtda bekor qilinishi mumkin.
• 7.2. Reseller tokenlarni ulgurji sotib oladi va o'z mijozlariga mustaqil ravishda, o'z nomidan sotadi. Platforma reseller bilan uning mijozi o'rtasidagi munosabatda tomon emas va ular o'rtasidagi to'lovlarga aralashmaydi.
• 7.3. Reseller o'z mijozlari oldidagi barcha majburiyatlar, da'volar va soliq oqibatlari uchun shaxsan javobgardir. Platforma bu yuzasidan hech qanday mas'uliyat ko'tarmaydi.
• 7.4. Reseller do'koni mazmuni va narxlari uchun reseller javobgar; qonun yoki ushbu shartlar buzilsa, do'kon Ma'muriyat tomonidan ogohlantirishsiz yopiladi.

8. Xizmat kafolatlari va "boricha" tamoyili

• 8.1. Mahsulot "boricha" (as is) taqdim etiladi. Ma'muriyat uzluksiz, xatosiz yoki ma'lum bir maqsadga muvofiq ishlashni kafolatlamaydi.
• 8.2. O'yin yangilanishlari, anti-cheat o'zgarishlari yoki texnik ishlar tufayli vaqtincha uzilishlar bo'lishi mumkin. Uzilish davri uchun litsenziya muddati avtomatik uzaytirilmaydi (Ma'muriyat o'z ixtiyori bilan kompensatsiya berishi mumkin).
• 8.3. O'yin tomonidan aniqlanish (deteksiya) xavfi to'liq Foydalanuvchi zimmasida.
• 8.4. Platforma mas'uliyati: Agar xizmat uzilishi platforma tomonidagi texnik nosozlik (serverlar, platforma kodi, to'lov tizimi) natijasida yuzaga kelsa, platforma mas'uliyatni tan oladi va foydalanuvchiga tegishli kompensatsiya taqdim etadi (obuna muddatini uzaytirish yoki muqobil ko'rinishda). Bunday holatlarda yordam xizmatiga murojaat qiling.

9. Hisobni to'xtatish va bekor qilish

• 9.1. Ma'muriyat ushbu shartlar buzilganda yoki firibgarlik gumon qilinganda hisobni ogohlantirishsiz to'xtatib qo'yish yoki butunlay bekor qilish huquqiga ega.
• 9.2. Qoidabuzarlik sababli bloklangan hisob uchun obunaning qolgan muddati qaytarilmaydi. Balansdagi foydalanilmagan to'ldirish mablag'lari §15.4 bo'yicha qaytariladi; tasdiqlangan firibgarlik bilan bog'liq summalar bundan mustasno.
• 9.3. Ma'muriyat ro'yxatdan o'tmagan yangi foydalanuvchilarga sababini ko'rsatmasdan xizmat ko'rsatishni rad etish huquqini saqlaydi. Amaldagi to'liq tarif rejasiga ega hisob hujjatlashtirilgan qoidabuzarlik bo'lmagan holda bekor qilinsa, Ma'muriyat foydalanilmagan butun obuna kunlari uchun hisoblangan summani platformaning ichki hamyoniga (balansiga) o'tkazadi.

10. Mas'uliyatni cheklash

• 10.1. Ma'muriyat bilvosita, tasodifiy yoki oqibatli zararlar (yo'qotilgan foyda, o'yin hisobining qadrsizlanishi, ma'lumot yo'qolishi va h.k.) uchun javob bermaydi.
• 10.2. Qonun ruxsat bergan maksimal darajada, Ma'muriyatning umumiy moliyaviy mas'uliyati oxirgi 30 kun ichida siz to'lagan summadan oshmaydi.
• 10.3. VAC, Game Ban yoki har qanday o'yin cheklovi uchun Ma'muriyat javobgar emas (batafsil: "Mas'uliyatni cheklash" bo'limi).

11. Zararni qoplash (indemnifikatsiya)

Foydalanuvchi xizmatdan noto'g'ri foydalanishi, ushbu shartlarni yoki uchinchi shaxslar huquqlarini buzishi natijasida Ma'muriyatga yoki uchinchi tomonlarga yetkazilgan har qanday zarar, da'vo va xarajatlarni o'z zimmasiga oladi va Ma'muriyatni bundan himoya qiladi.

12. Shartlarni o'zgartirish

• 12.1. Ma'muriyat ushbu shartlarni istalgan vaqtda bir tomonlama o'zgartirish huquqiga ega. Yangilangan sana yuqorida ko'rsatiladi.
• 12.2. O'zgarishlardan keyin xizmatdan foydalanishni davom ettirish — yangi shartlarni qabul qilish hisoblanadi.

13. Yakuniy qoidalar

• 13.1. Bo'linuvchanlik: Biror band qonunga zid deb topilsa, qolgan bandlar to'liq kuchda qoladi.
• 13.2. Voz kechmaslik: Ma'muriyatning biror huquqdan bir marta foydalanmasligi — undan voz kechganini bildirmaydi.
• 13.3. Yaxlit shartnoma: Ushbu shartlar, Maxfiylik siyosati va Ommaviy oferta tomonlar o'rtasidagi to'liq kelishuvni tashkil etadi.
• 13.4. Til ustuvorligi: Tarjimalar o'rtasida ziddiyat yuzaga kelsa, o'zbek tilidagi matn ustun hisoblanadi.

14. Qo'llaniladigan huquq va nizolar

• 14.1. Ushbu shartnoma O'zbekiston Respublikasi qonunchiligi bilan tartibga solinadi.
• 14.2. Nizolar avval muzokara yo'li bilan hal qilinadi (30 kunlik muhlat).
• 14.3. Kelishuvga erishilmasa — nizo O'zbekiston Respublikasi sudlarida ko'rib chiqiladi.

15. Hamyon (balans) qoidalari

• 15.1. Balans — platformadagi xaridlar uchun oldindan kiritilgan mablag'. U bank hisobi emas, unga foiz hisoblanmaydi va boshqa foydalanuvchiga o'tkazilmaydi.
• 15.2. To'ldirish: Hamyon sahifasida summani kiritasiz; sayt o'tkazish uchun karta raqamini va aniq summani ko'rsatadi (oxiridagi bir necha so'm — sizning to'lovingizni tanib olish uchun kod, u ham balansga qo'shiladi). Aynan shu summani istalgan bank ilovasidan kartaga o'tkazasiz va to'lov kartaga tushgach, summa balansingizga avtomatik kiritiladi. Summa boshqacha o'tkazilsa yoki to'lov avtomatik aniqlanmasa, admin uni qo'lda tekshirib kiritadi. Telegram Stars bilan Telegram botimiz @adolfjon_bot orqali (/stars) to'ldirasiz: kurs botda ko'rsatiladi va Telegram to'lovni tasdiqlagach, summa balansga avtomatik tushadi. Telegram Gifts va boshqa kartalar bilan to'ldirish uchun Telegram @adolfjon yoki tikket orqali adminga yozasiz; admin to'lovni tekshirib, summani balansingizga kiritadi. Balansga, shuningdek, pul qaytarishlar (§6), aksiyalar va kompensatsiyalar kiritiladi.
• 15.3. Balans tarkibi: (a) to'ldirish mablag'lari — siz to'lagan pul; (b) qaytarilgan mablag'lar — §6 bo'yicha mahsulot uchun qaytarilgan summa; (c) bonus mablag'lar — aksiya, promo, referal, kompensatsiya va XP.
• 15.4. Pulni qaytarib olish: foydalanilmagan to'ldirish mablag'larini (a) tikket orqali so'rab qaytarib olishingiz mumkin. Pul to'lov qilingan usulda (karta — o'sha kartaga, Telegram Stars — Stars orqali) 10 ish kuni ichida qaytariladi. Telegram Gifts orqali to'ldirilgan summa pul sifatida qaytarilmaydi va balansda qoladi.
• 15.5. Qaytarilgan mablag'lar (b) balansda qoladi va naqd pulga aylantirilmaydi; istisno — mahsulot tavsifga mos kelmagan holat (§6.3). Bonus mablag'lar (c) naqd pulga aylantirilmaydi.
• 15.6. Xaridlarda avval bonus mablag'lar, so'ng qaytarilgan mablag'lar, eng oxirida to'ldirish mablag'lari ishlatiladi.
• 15.7. Hamyon orqali to'langan har 1 000 UZS uchun 2 XP avtomatik qo'shiladi.
• 15.8. Hisob o'chirilganda foydalanilmagan to'ldirish mablag'lari 15.4-band bo'yicha qaytariladi; qaytarilgan va bonus mablag'lar bekor bo'ladi — ularni o'chirishdan oldin ishlatib oling.
• 15.9. Hisob bloklanganda balansga kirish to'xtatiladi; xato yoki firibgarlik yo'li bilan kiritilgan summalar bekor qilinadi. Foydalanilmagan to'ldirish mablag'lari §9.2 bo'yicha qaytariladi.

16. Do'kon va raqamli mahsulot qoidalari

• 16.1. Do'konda to'rt turdagi mahsulot mavjud: aktivatsiya kodi (token), chegirma kuponi, tashqi akkaunt va xizmat (masalan, boosting).
• 16.2. Aktivatsiya kodi — 16 belgili bir martalik noyob kod. Faollashtirilgandan so'ng qayta ishlatib bo'lmaydi; pul faqat §6.1 holatlarida qaytariladi.
• 16.3. Chegirma kuponi — checkout yoki token faollashtirish vaqtida qo'llaniladi. WELCOME kuponi yangi foydalanuvchilarga avtomatik 20% chegirma beradi (bir marta, 7 kunlik muddatda).
• 16.4. Tashqi akkaunt — ma'lumotlar yetkazilgan va kirish amalga oshirilganidan so'ng qaytarilmaydi, §6.1 holatlari (masalan, akkaunt tavsifga mos kelmasa) bundan mustasno. Tashqi platforma tomonidan bloklash — foydalanuvchi tavakkali.
• 16.5. Xizmat (boosting) — boshlangandan so'ng bekor qilinmaydi, §6.1 holatlari bundan mustasno. Natijaga kafolat berilmaydi; o'yin muhiti tomonidan bloklash — foydalanuvchi tavakkali.
• 16.6. Do'kondagi xaridlar hozircha faqat balans yoki XP orqali amalga oshiriladi; buyurtma darhol approved holatiga o'tadi.
• 16.7. To'lov yaxlitligi: Balansni to'ldirishda soxta, o'zgartirilgan yoki topilmagan bank o'tkazmasi aniqlansa — hisob vaqtincha to'xtatiladi va platforma foydalanuvchi bilan bog'lanadi. Muammo hal qilinsa hisob qayta ochiladi; firibgarlik tasdiqlansa — doimiy bloklash.

17. Jamiyat xulq-atvori va maqbul foydalanish

• 17.1. Taqiqlangan xulq-atvor: haqorat, irqchilik, tahdid, doksing (shaxsiy ma'lumotlarni tarqatish), aldov, spam, boshqa foydalanuvchilar nomidan yolg'on da'volar qilish.
• 17.2. Botlar, skriptlar va avtomatlashtirilgan vositalar orqali xarid qilish, streak da'vo qilish, XP to'plash — qat'iyan taqiqlangan.
• 17.3. API — faqat o'z ma'lumotlaringiz uchun, faqat o'qish rejimida. Maksimal 3 ta kalit yaratish mumkin; tezlik chegarasini oshirish kalitni bloklaydi.
• 17.4. Soxta akkauntklar orqali referal bonusi to'plash, HWID manipulyatsiyasi, bir qurilmada 5+ akkaunt nomidan streak da'vosi — doimiy bloklashga olib keladi.
• 17.5. Platforma zaifligini aniqlasangiz — suiiste'mol qilmasdan mas'uliyatli tarzda xabar qiling; sanksiya qo'llanilmaydi. Zaiflikdan foydalanish esa doimiy bloklash va huquqiy choraga olib keladi.

18. Shikoyat va e'tiroz tartibi

• 18.1. E'tiroz qilish huquqi mavjud: bloklash, XP/balans o'zgarishi, buyurtma rad etilishi kabi qarorlar bo'yicha.
• 18.2. Tartibi: yordam chipta orqali e'tiroz yuboring → 1 ish kuni ichida qabul tasdiqlanadi → 3 ish kuni ichida ko'rib chiqiladi → qaror e'lon qilinadi.
• 18.3. E'tirozda ko'rsating: platformadagi laqabingiz, e'tiroz qilinayotgan qaror va sana, asoslar, dalillar (skrinshot, buyurtma raqami va h.k.).
• 18.4. Rad etilgan e'tirozga faqat yangi dalillar asosida qayta murojaat mumkin. Platforma yakuniy qaroridan so'ng O'zR qonunchiligi doirasida o'z huquqlaringizni mustaqil himoya qilishingiz mumkin.
• 18.5. Muddat: to'lov va mahsulot bo'yicha murojaatlar mahsulot yetkazilgan yoki token faollashtirilgan kundan boshlab 14 kun ichida tikket orqali yuboriladi (§6.4).